ახალი ნათება
NewLight

View

როგორ მოვაწყოთ ლოფტის ტიპის ინტერიერი

       ლოფტის სტილი, ანუ მანსარდული მოწყობის ტიპი ბოლო პერიოდში დიდი პოპულარობით სარგებლობს დიზაინერებისა თუ მოყვარულთათვის. ლოფტის სტილის წარმოშობას არ ჰქონდა დიზაინერული დატვირთვა, რადგან მისი შექმნა მოხდა უბრალოდ ეკონომიკური კრიზისიდან გამომდინარე, როცა ამერიკაში 30-იან წლებში მოსახლეობამ ბინა დაიდო ფაბრიკებსა და საწყობებში. სწორედ რომ ეკონომიკური სიდუხჭირის დამსახურება იყო ის, რომ ადამიანებს ამ ფაბრიკების ძირეული შეცვლა და რესტავრაცია არ განუხორციელებიათ, შედეგად კი, მივიღეთ ის, რაც დღეს ასე მოგვწონს, შეულამაზებელი კედლები, დაუფარავი გაყვანილობა, დიდი უფარდო ვიტრაჟები და ა.შ.

           

 

    იქიდან გამომდინარე, რომ ეს აპარტამენტები ქარხნებში იყო მოწყობილი, მათი მთავარი სახასიათო ელემენტი იყო მაღალი ჭერი, ან ანტრესოლი. თუმცა ახლა შევეცდებით განვიხილოთ ის პრინციპები და მთავარი დეტალები, რომელთა მიხედვითაც თქვენს ჩვეულებრივ კორპუსის ბინაში, მანსარდსა თუ კერძო სახლშიც შეძლებთ ლოფტის ეფექტის მიღებას.

სტილი

ლოფტის ტიპის ინტერიერში ძირითადად ინდუსტრიული სტილი გვხვდება, რომელსაც ახასიათებს აგურის შეულამაზებელი კედლები, სიძველის ეფექტით, მეტალის გაყვანილობა კედლებზე, ასევე ძველი ხის ან ფილების იატაკი, ჭერი ძირითადად ხის პანელებით არის გაწყობილი, რომელიც იდეალურია დაკიდული განათებისათვის. თუმცა თუ თქვენ ერთობლივად გხიბლავთ ლოფტის ხასიათი და ნათელი ფერები, ამ შემთხვევაში შეგვიძლია ამ სტილის უფრო პასტელური ფერებით მოწყობა, უფრო მეტი სინათლე და ზოგ შემთხვევაში კლასიკაც კი.

               

მასალა

   ლოფტის აურის შესაქმნელად, აუცილებელია რამდენიმე მასალის გამოყენება, როგორც ზემოთ ავღნიშნეთ აგურის კედლები ერთ–ერთი დამახასიათებელია ამ სტილისთვის, დღევანდელ სამყაროში კი, ეს ეფექტი შეგვიძლია მოსაპირკეთებელი დეკორატიული აგურითაც მივიღოთ.

   მეტალი – პოპულარული და ლამაზია შავი ან ბრონზეს ფერი მეტალის ჭაღები. ასევე მეტალის გაყვანილობა კედლებზე, თუნდაც სკამი მეტალის ფეხებით

           

   ხე – დაძველების ეფექტით სხვადასხვა ფერზე. თუ თქვენ უფრო ინდუსტრილი სტილისკენ იხრებით, გირჩევთ ხე გამოიყენოთ ან ბუნებრივი ფერით ან უფრო დამუქებული ხის ფერით. ხოლო თუ თქვენი ინტერესი ნათელი და პასტელის ფერების, მაშინ ხე შეიძლება იყოს თეთრად, ვარდისფრად ან ცისფრად შეღებილი და შემდეგ დაძველების ეფექტით.

                     

    კერამიკა – კერამიკის გამოყენება საოცარ ეშხს სძენს ინტერიერს. შეიძლება იყოს როგორც იატაკის ჩანართები, ასევე როგორც ჭურჭელი დეკორაციისთვის.

                 

   ტყავი – ტყავის დივნით ან სავარძლით სრულყოფილ ეფექტს შესძენთ თქვენს ინტერიერს.

                        

   ტექტილი – ასევე დამახასიათებელია ბალიშები უხეში ტექსტილით და წარწერით. საწოლსა და დივანზე უსწორმასწოროდ დაფენილი ტექსტილის პლედი.

განათება

ლოფტისთვის დამახასიათებელი დიდი ვიტრაჟების გარდა, სრული ეფექტისთვის უნიშვნელოვანესი ადგილი უჭირავს სანათ საშუალებებს. როგორც ზემოთ ავღნიშნეთ, დაკიდული შავი მეტალის ჭაღი ძალიან ლამაზი და დამახასიათებელია ასეთი ინტერიერისთვის. თუმცა სასადილო ზონის ან რბილი ავეჯის თავზე ხშირად შევხვდებით ასიმეტრიულ გატოტილ სანათს მეტალის შავი, ბრონზესფერი, ან ოქროსფერი კარკასით. თუმცა თუ თქვენ კლასიკის მოყვარული ადამიანი ხართ, ეს ის მომენტია, როცა კლასიკური სანათის შემოტანა არათუ ურიგოა, არამედ მშვენიერ კოლაბორაციას ქმნის სტილთან და ძალიან ესთეტიურია.

                

                      

ასევე უმნიშვნელოვანესი ელემენტია ტორშერი და მაგიდის სანათი, რომელსაც ხშირად უსწორმასწოროდ დაწყობილ წიგნებზე შემოდებულს შევხვდებით ხოლმე. ესეც ერთ–ერთი დამახასიათებელი დეტალია ამ სტილისთვის. ძირითადად გამოიყენება გატეხილი ტიპის სანათები, თუმცა არის შემთხვევები, როცა საწოლთან ორივე მხარეს გრძლად დაკიდებული ბრა საოცარ სიმყუდროვეს და დახვეწილობას სძენს ინტერიერს.

 

დეკორაცია და დეტალები

    დეკორაცია ამ სტილისთვის ისეთივე საჭიროა, როგორც ყოველდღიურობისთვის ყავა. ამიტომ ამ პუნქტის გათვალისწინება განსაკუთრებულ ეშხს შესძენს თქვენს ინტერიერს.

     გამწვანება – ოთახის მცენარეები განსაკუთრებულ სიცოცხლეს და სილამაზეს სძენს ზემოთ აღნიშნულ ფერთა პალიტრას

                       

    წიგნები – იატაკზე რამდენიმე სართულად დაწყობილი წიგნებზე შემოდგმული მაგიდის სანათი ორიგინალურ იერს აძლევს როგორც მისაღებ, ასევე საძინებელ ოთახს.

              

    მეტალის კომბინაცია ხესთან – ასეთი ტიპის თაროები, ზედ ფერად–ფერადი წიგნებით ნამდვილი მისწრებაა ინტერიერის გასამდიდრებლად.

                            

  ნახატები და კოლაჟები