ახალი ნათება
NewLight

View

რა უნდა ვიცოდეთ Fabio Novembre -ს შესახებ?!

F3="Form Follows Function" for VONDOM შეგიძლიათ შეიძინოთ ჩვენთან!
"თანამედროვე დიზაინის „ნომერ პირველი პროვოკატორი“, რომელმაც ეს გარდამავალი ტიტული ცოტა ხნის წინ თვით ფილიპ სტარკს ჩამოართვა, ბოჰემური პოეტი, საშიშად ნიჭიერი არქიტექტორ–დიზაინერი და კოსმოპოლიტი იტალიელი–ფაბიო ნოვემბრე, 21 ოქტომბრის ნაცვლად ნოემბრის რომელიმე დღეს რომ დაბადებულიყო , მისი ბიოგრაფიული მონაცემები იდეალურ, მე ვიტყოდი, ფატალურ ელფერსაც შეიძენდა, მაგრამ რაც მოხდა, მოხდა...
მილანის პოლიტექნიკურ ინსტიტუტში არქიტექტორის დიპლომი 1992 წელს მიიღო.
„იტალიაში არქიტექტურას არა პროფესიის დაუფლების, არამედ მსოფლმხედველობის გაფართოების მიზნით ირჩევენ. ინსტიტუტის კედლები რომ დავტოვე წარმოდგენაც არ მქონდა როგორ დეამედო ერთი აგური მეორეზე“, –ყვება ნოვემბრე.
მოგვიანებით ნიუ–იორკში ჩადის და კინოხელოვნებით ინტერესდება. აქვე ეცნობა თანამემამულე ანა მოლინარის,რომლისგანაც პირველ სერიოზულ შეკვეთას იღებს.
დიზაინის სფეროში მისი მომავალი წარმატებული ნამუშევრების ინსპირაციის წყაროდ „ფელინის შემოქმედება და ქალის სხეული“ გვევლინება.
ზედაპირული კრიტიკოსები ნოვემბრეს სტილს, ჯერ კიდევ მოლინარის პირველი ბუტიკის გაფორმებიდან მოყოლებული , „ავანგარდულ–რადიკალურს“, „სინთეტიკურს“ და „ექსჰიბიციონისტურს“ უწოდებენ. უფრო მეტად დახვეწილი კ4რიტიკოსების თვალში კი ეს ექსპრესიული სტილი „ ნარცისული ნეობაროკოა, კიჩის, კლასიციზმის და სიურეალიზმის პოეტური ელემენტებით“. თუ ყოველივე ამას დავამატებთ ცოტაოდენ რომანტიკულ ჰედონიზმს, ლატენტურ ირონიას და დეკლარირებულ სექსუალურობას, მივიღებთ „კერძს“ სახელად „ინდუსტრიული დიზაინი ფაბიო ნოვემბრეს პიკანტური სოუსით“, რომლის გემო და არომატიც ყველას რეცეპტორებზე ინდივიდუალურ ზემოქმედებას ახდენს.

აქ წარმოდგენილი ფ3, შეიძლება ითქვას , რამდენიმე ცალკეული მოდულ;ის შემცველი პაზლური ობიექტია.
მფლობელმა, თავისუფალი კომბინაციების შედეგად , შეიძლება მიიღოს შეზლონგი, სავარძელი, და დაბალი მაგიდა.
ჰაეროვანი კოლექციების მარტივი დიზაინი , მსუბუქო პლასტიკის მასალა, წყლის სტიქიასთან ასოცირებული, დახვეწილი, ტალღოვანი ხაზები და ზედაპირის მათემატიკური დეკორი, პროდუქციის ძირითადი მახასიათებლებია. "/Beaumonde, David kupra