ახალი ნათება
NewLight

View

MARSALA 2015 წლის ტრენდული ფერი

Pantone LLC– არის კომპანია, რომლის მიერ შერჩეული ფერთა გამით ხელმძღვანელობს ნებისმიერი სფეროს დიზაინერი.
შეიძლება ითქვას, რომ კომპანია პანტონი ფერთა ექსპერტია!
წლის ტრენდის გამოვლენა, ფერების შერჩევა, მათი ჰარმონიული შეხამება, დიზაინერებთან ფერთა სწორი გამის მიწოდება, რეკომენდაციების გაწევა, ფერების აკურატული კომუნიკაცია დიზაინერიდან მომხმარებლამდე. ეს ის არასრული ჩამონათვალია, რასაც პანტონის შემოქმედებითი ჯგუფი ახორციელებს.
მოდის სამყარო ყოველწლიურად ელის პანტონის მიერ წლის ტრენდული ფერის დასახელებას, რომელსაც კომპანია მრავალ მახასიათებელზე დაყრდნობით გამოავლენს. ეს ფერი მთელი წლის განწყობას განსაზღვრავს! 2015 წლის ფრად პანტონმა მარსალა დაასახელა(Marsala 18-1438 ბორდოსფერ-ღვინისფერი).

2015 წლის ფრად პანტონმა მარსალა დაასახელა(Marsala 18-1438 ბორდოსფერ-ღვინისფერი).

გემოვნებიანი ტონი

მარსალა – დესერტისთვის განკუთვნილი სიცილიური ღვინოა. ღვინის ფერი გემოსა და ხარისხის სრულყოფილ ასოციაციას ქმნის. სწორედ ამიტომ ამ ფერ–მარსალას ახასიათებენ როგორც ძლიერ, გავლენიან, ელეგანტურ ფერს.

მკვეთრი და მოდური ფერი 
მკვეთრი და მოდური ფერი მარსალა ერთნაირად ეფექტურია როგორც ცალკე, ასევე სხვა ფერებთან კომბინაციაში მკვეთრი აქცენტის შექმნისას. ამ ფერის გამოყენება ინტერიერის დეკორაციისთვის სხვადასხვა გზით არის რეკომენდებული: კედლის ფeრად , ავეჯისა და აქსესუარების მეშვეობით–ნებისმიერ შემთხვევაში ეფექტი ელეგანტური და დახვეწილი იქნება. 
მუქი, მოწითალო–მოყავისფრო შეფერილობის მარსალა თბილ და ეფექტურს გახდის სახლის ინტერიერს. 
მარსალა არის მკვეთრი და მდიდარი ფერი, რომელიც კიდევ უკეთ წარმოჩნდება, როდესაც ფაქტურულ ზედაპირზე გამოიყენება. მარსალა იდეალური ფერია ხალიჩებისა და რბილი ავეჯისათვის, თუნდაც დეკორატიული ბალიშებისთვის. ეს მკვეთრი ფერი უნივერსალურად პასუხობს როგორც მოდის, ისე ინდუსტრიულ თუ ინტერიერის დიზაინის მოთხოვნებს.