ახალი ნათება
NewLight

View

ინტერვიუ ცნობილ არქიტექტორ მერაბ გუჯეჯიანთან

„ახალ ნათებას“ მრავალწლიანი შემოქმედებითი ურთიერთობა აკავშირებს ცნობილ ქართველ აქიტექტორებთან  და დიზაინერებთან. ჩვენი სურვილია გაგაცნოთ ისინი.  პირველი, ვისი წარდგენაც გვსურს, გახლავთ არქიტექტორი მერაბ გუჯეჯიანი. მისი განსაკუთრებული ხედვა და შემოქმედებითი ნიჭი წარმოჩინდა  „ახალი ნათების“ ცენტრალური პავილიონისა და ავეჯის სალონ „ფორუმის“ არქიტექტურაში. ეს ორი უნიკალური შენობა სხვადასხვა პერიოდშია შექნილი, თუმცა ერთ მთლიანობაში ასახავს მოდერნისტული არქიტექტურის ნოვაციურ იდეებს.



Review
პროფესია–მოცულობის არქიტექტორი.
შვეიცარიამ მისი მუშაობის
სტილზე სერიოზული გავლენა იქონია.
საკონტაქტო ინფორმაცია:
შპს „არქიტექტორები და კომპანია“
ბელიაშვილის ქ.8, თბილისი 0159
T: 2518058
w: www.a-co.ge



----------------––––––––––––––––––––––––––––––––––––––––––––––––––––––––––––––––––––––––––
Interview

–როგორია  „თანამედროვე არიტექტურული დიზაინი“ და რა არის დღეს “ტრენდული“?

–ისევე როგორც ხელოვნების სხვა დარგებში, არქიტექტურაშიც შეიცვალა ფორმები.  წარსულ ეპოქაში დარჩა ე.წ. კლასიკური სტილი. მას თავისი ისტორია, ეპოქა აქვს; თანამედროვე სტილშიც  ეკონომიკურმა თუ სოციალურმა ცვლილებებმა და ტექნოლოგიურმა მიღწევებმა განაპირობა „მხატვრული“ ცვლილებები. 
არქიტექტურა უნდა აღიქმებოდეს, როგორც შემოქმედება, რომელიც მოიცავს როგორც ტექნიკურ ისე შემოქმედებით ნაწილს.
არქიტექტორი უნდა ახერხებდეს იდეური და სულიერი ნაწილის შერწყმას ტექნოლოგიურ სიახლეებთან და ფუნქციურ დატვირთვასთან.
      დღეს დღეობით არქიტექტურაში ბოლო სიტყვად ე.წ . „მწვანე არქიტექტურა“ ითვლება, „სმარტ ჰაუსი“ კი ხვალინდელი დღეა. აქტუალურია ენერგოეფექტურობის თემაც. მსოფლიოში უკვე ფართოდაა გავრცელებული მზის ენერგიის გამოყენების პრაქტიკა  არქიტექტურაში.   ბუნების ეს საჩუქარია  არ უნდა იკარგებოდეს. იმედია საქართველოც მალე გადავა ამ სტანდარტებზე.

 –რას ურჩევდით ჩვენს მკითხველს, რომელიც სახლის მშენებლობას უნდა შეეჭიდოს?

–შეარჩიონ კარგი არქიტექტორი, რადგან სახლის მომავალი  პრაქტიკულობა, კომფორტი თუ სიმყუდროვე მასზეა დამოკიდებული.
არქიტექტორი რეჟისორის ფუნქციას ითავსებს, დამკვეთის ცხოვრების წესის გააზრებით წერს სცენარს...

 – „ფორუმის“ დიზაინი თქვენ გეკუთვნით. 2014 წელს „ფორუმი“ გახდა გამარჯვებული არქიტექტურული პრემია 2014–ის  - ნომინაციაში „საზოგადოებრივი ინტერიერი“. ამ პროექტმა გაიმარჯვა ასევე გარემოს დაცვის სამინისტროს მიერ ორგანიზებულ დაჯილდოებაზე „წლის მწვანე ბიზნესი“ -ნომინაციაში „წლის მწვანე შენობა“ .
რა არის ფორუმი თქვენთვის?

–„ფორუმი“ პროექტია, რომელიც ყველაზე ახლოს დგას „მწვანე არქიტექტურის“ იდეასთან, თუმცა ამისთვის ჯერ კიდევ დეტალებია დასახვეწი მომავალში.

„ფორუმში“ რეალიზდა თამადროვე დიზაინი და უახლესი ტექნოლოგიები, ბუნების ელემენტებმა კი მასში სულიერება შეიტანა.
ამ პროექტში წამყვან როლს დახრილი თეთრი კოლონები თამაშობს, რომელიც შოურუმის არსიდან გამომდინარე სინათლის სხივის ვიზუალურ ფორმას ასახიერებს. ეს სხივები სხვადასხვა მიმართულებით იატაკიდანაა ამოფრქვეული, რომლებიც თითქოს სახურავმა ვერ დაიჭირა და ბარიერი გაარღვია. სახურავის ეს ნაწილები ამოჭრილია და  ცა მოჩანს.
ინტერიერში ნატურალური ქვებია გამოყენებული. ვიზუალური ეფექტის გარდა ამ ქვებს დადებითი აურა აქვს. ბუნებრივ ქვას თავისი სითბო აქვს ხელოვნურისგან განსხვავებით.
იატაკზე მიწა ყრია და ნამდვილი ბალახია დაგებული, რაც სასიამოვნო გარემოს ქმნის წლის ნებისმიერ მონაკვეთში.
მეტალი და ცივი თანამედროვე ინტერიერი ჰარმონიულ ბალანსს ქმნის   მოდერნისტულ ტენდენციებსა და ბუნებასთან.
პრაქტიკულობის თვალსაზრისით საკმაოდ ფართი იკაგრება აუთვისებელი, თუმცა ეს ის შემთხვევაა, როდესაც დამკვეთის მხრიდანაც ვიზუალურ ესთეთიკაზე უფრო მეტი მოთხოვნა იყო, ვიდრე  პრაგმატული გათვლა.

„ფორუმი“ ჩემს შემოქმედებაში ერთ–ერთი სერიოზული მიღწევაა, წარმატებაა..
თუმცა გამარჯვებაზე გაჩერება არ შეიძლება.
–ჩვენს შოურუმში წარმოდგენილი პროდუქციიდან აირჩიეთ  ავეჯი, განათება, აქსესუარი–რომლებსაც ერთ კონცეპტად წარმოადგენდით.